طبيبة يمنية تقدم نصائح هامة للآباء والامهات.. بشأن العدوى الفيروسية المنتشرة
أبين الآن - متابعات خاصة
اعزائي الاباء وعزيزاتي الامهات ????????????
في موجه عنيفه من العدوى الفيروسيه هذي الايام تضرب ولا تبالي تعمل حمى شديييده ومتقاربه وماتنزل بعلاجات الحمى الا كم ساعه وترجع ،، ارجوكم طولوا بالكم واستحملوا ولا تتسرعوا وتجيبوا مضادات حيويه لانها بترجع لكم بعد ١٠ ايام او اسبوعين بالكثير ويتكرر نفس السيناريو. ارجوكم لاتتسرعوا وتاخذوا مضادات حيويه من راسكم ولا تروحوا العياده اللي بالحاره وتاخذوا ابر ، المضاد الحيوي مابيغير بمسار المرض شي والله و بينتهي كورس المرض مع كورس المضاد. ما استفدنا شي غير انه دمرنا مناعة اطفالنا ع الفاضي.
طيب السؤال المهم الان هو كيف نتصرف في هذه الحاله؟؟
اولا علاجات الحمى Adol,Amol Paracetamol سواء شراب او تحاميل او قطر
ثانيا كل كم؟؟ يعتمد على شدة الحمى عند الطفل ممكن كل ٨ ساعات واذا الحمى شديده جدا ومتقاربه اقصى حد كل ٥ ساعات
هذا بالنسبه للاطفال اقل من سنه والاطفال اكبر من سنه ممكن نستعين ب شراب ibuprofen syrup
diclofen sup او تحاميل
بالتبادل مره باراسيتامول ومره بروفين او تحاميل ديكلوفين
ثالثا الكماداااات الكمادات بماء الحنفيه مش ماء ثلج، وقماش قطن، على الرقبه والاباط والافخاذ
الكمادات الجل اللي من الصيدليه مالها اي فايده بالحياه مالكم منهن
رابعا تطولوا بالكم وتصبروا وربنا يكتب اجر الجميع
خامسا مانفعت الكمادات حمموا الطفل بماء الاستحمام العادي مش بماء بارد ويتحمم لما تنزل الحمى وانتبهوا من تيارات الهواء البارده اهم شي..
سادسا ممنوع المضاد ،المضاد ممنوع ، لاتعطوا مضاد
سابعا للاطمئنان اعملوا فحص CBC,CRP و اعرضوه على طبيبكم ، مش صاحب المختبر ولا صاحب الصيدليه
ثامنا تطولوا بالكم برضه وتصبروا????????♂️????????♀️
تاسعا اذا الحمى مانزلت او الطفل بدأ يتشنج او ظهرت اعراض غريبه ع طووول انطلقوا لأقرب مستشفى فيه طوارىء اطفال لاتنتظروا لما تتصلوا لدكتوركم ويرد عليكم
عاشررررا رفقا بالامهات ارجوكم مافي داعي تزيدوهم فوق الهم هم ،، ساعدوهم وكونوا عون لهم خلوهم يرتاحوا يناموا فتره واهتموا بالاطفال جيبوا لهم اكل اعفوهم مؤقتا من المهام اللي مش ضروريه عشان يقدروا يواصلوا مهمتهم الجباره لحد ما الطفل يتعافى ،، ومافي داعي تتهموهم بالتقصير او الاهمال او تتفلسفوا عليهم بخبراتكم ارجووكم.
وربنا يكتب العافيه لجميع الاطفال والأجر لجميع الامهات والاباء والصبر لاطباء الاطفال????
عيادة الدكتوره سبأالجرادي لطب الاطفال وحديثي الولادة
